صدق المشاعر

صدق المشاعر


ضحيت لك بالناس صاحي ومجنون وضحيت لك بالروح والحال والمال من شان حبك داخل الروح مكنون والقلب مغرم فيك يا طيب الفال يكفيني إنك شيء غالي ومضمون ويكفيك غيرك ما خطر لي على البال يا سيدي شاريك والقلب ممنون لك في شراييني مناسيب وحبال أنت الوحيد اللي مكرم ومصيون وأنت الوحيد اللي لك الحق تختال يفدى رجولك كل غالي ومزيون ويفدى يمينك كل نازل ورحال لك في صميم القلب يا شوق مخزون كله حنان وحب وأشواق وأقبال خذني على كف المحبة على هون وأحفظ غرامي فيك عن كل غربال كفاني عذاب أحباب وجروح وطعون كفاني حروب أشواق ونضال وجدال كفاية سنين طوال ضايع ومحزون كفاية سنين طوال والجرح قتال كم شخص عاشرته وذالحين مركون ماله من الوجدان لو ربع مثقال يا سيدي قدرك مع الروح مقرون كنيت لك في داخلي حب وإجلال عشرين عام إفراق وجروح وضنون خلتني الفرقى على شكل تمثال يا سيدي لو تقطع الوصل وتخون تبقى وليف الروح والقدر ما مال حبيبي كتبت الشعر وافي وموزون صدق المشاعر فيك من جزل الأمثال حبيبي فداك الكون واللي على الكون خذني على يمناك في وجه الأهوال يا سيدي معذور مشكور وتمون يا سيدي كل البشر دونك ازوال